బుజ్జి మేక
బుజ్జి మేక బుజ్జి మేక ఏడకెల్తివీ?
రాజు గారి తోటలోన మేత కెల్తినీ.
రాజు గారి తోటలోన ఏమి చూస్తివీ?
రాణి గారి పూలచెట్ల సొగసు చూస్తినీ!
పూలచెట్లు చూసి నీవు ఊరకుంటివా?
నోరూరగా పూల చెట్లు మేసివస్తినీ .
మేసివస్తే నిన్ను భటులు ఏమిచేసిరి?
భటులు వచ్చి నాకాళ్ళు విరుగగొట్టిరీ.
కాలు విరిగిన నీవు ఊరకుంటివా?
మందుకోసం నేను డాక్టరింటికెళ్తినీ.
మందు ఇచ్చిన డాక్టరుకు ఏమిస్తివీ?
చిక్కనైన తెల్ల పాలు అందిస్తినీ.
ఉన్న పాలు డాక్టరుకిస్తే యజమాని కేమిస్తవూ?
గడ్డి తినక ఒకపోట పస్తులుండి తీరుస్తా.
పస్తులుంటె నీకు నీరసం రాదా?
పాడు పని చేయనింక బుద్దివచ్చెనాకు.
